सानिमा रिलायन्स लाइफ इन्स्योरेन्सले विभिन्न शाखाहरुमा दक्ष र अनुभवी कर्मचारीको आवश्यकता रहेको जनाएको छ। योग्य नेपाली नागरिकहरूले आफू काम गर्न इच्छुक शाखा उल्लेख गर्दै आवेदन पत्र र व्यक्तिगत विवरण (Curriculum Vitae) jobs@sanimareliancelife.com मा मिति २०८२/०६/०७ भित्र आवेदन पेश गर्न सक्नेछन्।
कम्पनीले कोशी प्रदेशमा बिराटनगर, खाँदबारी, भोजपुर र दिक्तेल; मधेश प्रदेशमा सिमरा; बागमती प्रदेशमा पनौती, पुतलीसडक, चापागाउँ, थानकोट, फर्पिङ्ग र नेपालटार शाखाहरूमा शाखा प्रमुख पदका लागि कर्मचारी माग गरेको छ। साथै, काठमाडौं उपत्यका भित्र र बाहिरका शाखाहरूमा बजार व्यवस्थापक पदमा कार्य गर्न इच्छुक नेपाली नागरिकहरूले पनि आवेदन दिन सक्नेछन्।
जीवन बीमा, बैंक तथा वित्तीय संस्था र लघुवित्त संस्थामा अनुभव भएका आवेदकहरूलाई प्राथमिकता दिइने कम्पनीले जानकारी दिएको छ।
प्रतिकृया