५ वटा कम्पनीले मागे आईपीओ निष्काशनको अनुमति, कुनले कति कित्ता निष्काशन गर्ने ?

असोज महिनामा पाँचवटा कम्पनीले (आईपीओ) निष्काशनका लागि नेपाल धितोपत्र बोर्ड (सेबोन) मा आवेदन दिएका छन्। प्रतिकित्ता १०० रुपैयाँका दरले यी कम्पनीले आईपीओ निष्काशन गर्ने प्रस्ताव गरेका हुन्।

आईपीओ निष्काशनका लागि आवेदन दिने कम्पनीमा होटल सिराइचुली लिमिटेड, साशा इन्जिनियरिङ हाइड्रोपावर लिमिटेड, पिस इनर्जी कम्पनी लिमिटेड, युनिटेक हाइड्रोपावर कम्पनी लिमिटेड र मुनलाइट हाइड्रोपावर कम्पनी लिमिटेड रहेका छन्।

Ads

Ads

Ads

कुन कम्पनीले कति कित्ताका लागि दिए आवेदन?

होटल सिराइचुली लिमिटेडले सर्वसाधारणका लागि १५ लाख कित्ता आईपीओ निष्काशन गर्न आवेदन दिएको छ। प्रतिकित्ता १०० रुपैयाँका दरले उक्त आईपीओको कुल रकम १५ करोड रुपैयाँ हुनेछ। कम्पनीको आईपीओ निष्काशन तथा बिक्री प्रबन्धक नबिल इन्भेस्टमेन्ट बैंकिङ लिमिटेड रहेको छ।

Ads

त्यस्तै, साशा इन्जिनियरिङ हाइड्रोपावर लिमिटेडले स्थानीय तथा सर्वसाधारणका लागि ३१ लाख कित्ता आईपीओ निष्काशन गर्न आवेदन दिएको छ। यसबाट कम्पनीले ३१ करोड रुपैयाँ बराबरको पुँजी जुटाउने प्रस्ताव गरेको छ। उक्त आईपीओको बिक्री प्रबन्धक एनआईएमबी एस क्यापिटल लिमिटेड रहेको छ।

पिस इनर्जी कम्पनी लिमिटेडले स्थानीय तथा सर्वसाधारणका लागि ३२ लाख कित्ता आईपीओ निष्काशन गर्न आवेदन दिएको छ। प्रतिकित्ता १०० रुपैयाँका दरले यसको कुल रकम ३२ करोड रुपैयाँ हुनेछ। कम्पनीको बिक्री प्रबन्धक माछापुच्छ्रे क्यापिटल लिमिटेड रहेको छ।

यसैगरी, युनिटेक हाइड्रोपावर कम्पनी लिमिटेडले स्थानीय तथा सर्वसाधारणका लागि १९ लाख ७० हजार कित्ता आईपीओ निष्काशन गर्न आवेदन दिएको छ। कम्पनीले उक्त आईपीओमार्फत १९ करोड ७० लाख रुपैयाँ जुटाउने प्रस्ताव गरेको छ। यसको बिक्री प्रबन्धक लक्ष्मी सनराइज क्यापिटल लिमिटेड रहेको छ।

त्यस्तै, मुनलाइट हाइड्रोपावर कम्पनी लिमिटेडले स्थानीय तथा सर्वसाधारणका लागि ९२ लाख ४१ हजार ४२६ कित्ता आईपीओ निष्काश न गर्न आवेदन दिएको छ। प्रतिकित्ता १०० रुपैयाँका दरले उक्त आईपीओको कुल रकम ९२ करोड ४१ लाख ४२ हजार ६०० रुपैयाँ हुनेछ। कम्पनीको बिक्री प्रबन्धक पनि लक्ष्मी सनराइज क्यापिटल लिमिटेड रहेको छ।

यी कम्पनीका आवेदन सेबोनमा पेस गरिएका हुन्। आईपीओ निष्काशनका लागि नियामक निकायबाट स्वीकृति प्राप्त भएपछि मात्र सम्बन्धित कम्पनीले प्रक्रिया अगाडि बढाउन सक्नेछन्।