राष्ट्रिय वाणिज्य बैंकको ३ अर्बको ऋणपत्र आजदेखि निष्काशन, वार्षिक कति ब्याज पाइन्छ ?

राष्ट्रिय वाणिज्य बैंकले ३ अर्ब रुपैयाँबराबरको ऋणपत्र आज असोज २९ गतेदेखि निष्काशन गर्ने भएको छ। बैंकले ‘आरबीबीएल डिबेन्चर–२०८९’ नामक ऋणपत्र जारी गर्न लागेको हो। यस ऋणपत्रमा लगानी गर्नेले वार्षिक ६ प्रतिशत ब्याज पाउनेछन्।

बैंकले प्रतिइकाइ १ हजार रुपैयाँ अंकित दरमा कुल ३० लाख इकाइ ऋणपत्र निष्काशन गर्न लागेको छ। कुल इकाइमध्ये १८ लाख इकाइ व्यक्तिगत तवरबाट बिक्री गरिनेछ भने बाँकी १२ लाख इकाइ सर्वसाधारणका लागि सार्वजनिक निष्काशन गरिनेछ।

Ads

Ads

Ads

सार्वजनिक निष्काशनअन्तर्गत छुट्याइएको १२ लाख इकाइमध्ये ५ प्रतिशत अर्थात् ६० हजार इकाइ सामूहिक लगानी कोषका लागि छुट्याइएको छ। बाँकी ११ लाख ४० हजार इकाइ सर्वसाधारणले खरिद गर्न सक्नेछन्।

ऋणपत्र खरिद गर्न इच्छुक लगानीकर्ताले नेपाल धितोपत्र बोर्डबाट अनुमति प्राप्त सी–आस्बा सेवामा सहभागी बैंक तथा वित्तीय संस्था र तिनका तोकिएका शाखा कार्यालयबाट आवेदन दिन सक्नेछन्। साथै, सीडीएससीको मेरो शेयरमार्फत पनि आवेदन दिन सकिनेछ।

ऋणपत्र निष्कासन छिटोमा कात्तिक १० गते र ढिलोमा कात्तिक १२ गते बैंकिङ समयपछि बन्द हुनेछ। सात वर्ष अवधिको यस ऋणपत्रमा लगानीकर्ताले वार्षिक ६ प्रतिशतका दरले ब्याज प्राप्त गर्नेछन्।

Ads

यस ऋणपत्रको बिक्री प्रबन्धकको जिम्मेवारी कुमारी क्यापिटलले पाएको छ।