साल्ट ट्रेडिङ कर्पोरेसनको आम्दानी घटेसंगै नाफामा गिरावट

साल्ट ट्रेडिङ कर्पोरेसन लिमिटेडले आर्थिक वर्षको पहिलो त्रैमासमा १ करोड ६० लाख २३ हजार रुपैयाँ नाफा आर्जन गरेको छ, जुन गत वर्षको सोही अवधिको तुलनामा १६.५२ प्रतिशत कम हो। गत वर्ष यस अवधिमा कम्पनीले १ करोड ९१ लाख ९४ हजार रुपैयाँ नाफा कमाएको थियो।

यस अवधिमा कम्पनीको आम्दानी २ अर्ब ९२ करोड रुपैयाँबाट घटेर २ अर्ब २४ करोड रुपैयाँमा सीमित भएको छ। जुन २३.३९ प्रतिशत कम हो । आम्दानी घटेसंगै कम्पनीको नाफामा गिरावट आएको हो।

हाल कम्पनीको चुक्ता पुँजी ३२ करोड ७ लाख रुपैयाँ रहेको छ भने जगेडा कोषमा १ अर्ब ३३ करोड रुपैयाँ सञ्चित छ। प्रतिसेयर आम्दानी १९ रुपैयाँ ९८ पैसा र प्रतिसेयर नेटवर्थ ३७२ रुपैयाँ ६२ पैसा रहेको छ।