कर्णाली डेभलपमेन्ट बैंकको खुद नाफा ऋणात्मक, निष्क्रिय कर्जामा वृद्धि

चालू आर्थिक वर्षको पहिलो त्रैमासमा कर्णाली डेभलपमेन्ट बैंक लिमिटेडले १ करोड ९८ लाख रुपैयाँभन्दा बढी खुद नोक्सानी बेहोरेको छ। गत वर्ष यसै अवधिमा ४ करोड ८ लाख रुपैयाँ खुद नाफा गरेको बैंकले यस वर्ष भने नोक्सानीमा गरेको हो।

गत वर्ष इम्पेरमेन्ट चार्ज  २ करोड ९८ लाख रुपैयाँभन्दा थियो भने यस वर्ष ३६ लाख ४१ हजार रुपैयाँ पुगेको छ। बैंकको हालको चुक्तापुँजी ५० करोड २८ लाख ३० हजार रुपैयाँ छ भने रिटर्न अर्निंग २० करोड ३४ लाख रुपैयाँभन्दा बढी ऋणात्मक रहेको छ। जगेडा कोष रकम १९ करोड ८ लाख रुपैयाँ रहेको यस बैंकले यस वर्ष ५ अर्ब २१ करोड १८ लाख रुपैयाँ निक्षेप संकलन गरेको छ, जुन गत वर्षभन्दा १५.२३ प्रतिशत बढी हो।

Ads

Ads

Ads

कर्जा प्रवाहमा पनि करिब १२ प्रतिशत वृद्धि भई ३ अर्ब ८१ करोड ५५ लाख रुपैयाँभन्दा बढी पुगेको छ। बैंकको निष्क्रिय कर्जा अघिल्लो वर्षको ४.७४ प्रतिशतबाट बढेर यस वर्ष ७.२७ प्रतिशत पुगेको छ। अहिले बैंकको प्रतिसेयर आम्दानी -३ रुपैयाँ ९४ पैसा रहेको छ भने प्रतिसेयर नेटवर्थ ९७ रुपैयाँ ५० पैसा छ।