सर्वसाधारण समेत किन्न मिल्ने गरि सप्तकोशी डेभलपमेन्ट बैंकको संस्थापक सेयर बिक्रीमा, प्रतिकित्ता मूल्य कति?

सप्तकोशी डेभलपमेन्ट बैंक लिमिटेडले ४० हजार कित्ता संस्थापक सेयर चैत १७ गतेदेखि बिक्रीमा ल्याएको छ । कम्पनीले उक्त सेयर सर्वसाधारणले समेत किन्न मिल्ने गरि बिक्रीमा ल्याएको हो।

प्रतिकित्ता मूल्य २५० रुपैयाँ तोकिएको छ र आवेदन पेश गर्दा तोकिएको मूल्य वा सोभन्दा बढी मूल्य अंकित गर्नुपर्नेछ। न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिनेछ । इच्छुक लगानीकर्ताको चैत २६ गते कार्यालय समयभित्र आवेदन पेश गर्न सक्नेछन् । यसअघि, उक्त सेयर विद्यमान सस्थापक सेयरधनीहरूका लागि मात्र बिक्री खुला गरिएको थियो।तर, तोकिएको अवधिसम्म आवेदन नपरे पश्चात सर्बसाधारणले समेत किन्न मिल्ने गरि बिक्री खुला  गरेको हो ।