आँखुखोला जलविद्युत कम्पनीको नाफा १२ सय प्रतिशतले बढ्दा अन्य सूचक कस्ता?

आँखुखोला जलविद्युत कम्पनी लिमिटेडले चालु आर्थिक वर्षको तेस्रो त्रैमाससम्म को अपरिष्कृत वित्तीय विवरण प्रकाशित गरेको छ। वित्तीय विवरण अनुसार कम्पनीको खुद नाफा १२ सय ९ प्रतिशतले बढेर ३ करोड ३६ लाख ८१ हजार रुपैयाँमा पुगेको छ। अघिल्लो वर्षको सोही अवधिमा कम्पनीले २५ लाख ७२ हजार रुपैयाँ खुद नाफा कमाएको थियो।

यस अवधिमा कम्पनीको विद्युत बिक्री आम्दानी १४ करोड ४ लाख रुपैयाँ बाट घटेर १३ करोड ७ लाखबाट रुपैयाँमा सीमित भएको छ। अघिल्लो वर्ष मात्र ११ लाख ४० हजार रहेको अन्य आम्दानी भने यस वर्ष बढेर ९९ लाख ६० हजार पुगेको छ। यता, वित्तीय खर्च ८ करोड ६१ लाख रुपैयाँबाट घटेर ६ करोड १० लाख रुपैयाँ कायम भएको छ। वित्तीय खर्च घट्दा नाफा बढेको हो। साथै, कम्पनीको वित्तीय आम्दानी १ करोड ११ लाख रुपैयाँ रहेको छ।

Ads

Ads

Ads

२ अर्ब रुपैयाँ चुक्ता पुँजी रहेको यस जलविद्युत कम्पनीको समीक्षा अवधिमा प्रति सेयर आम्दानी २ रुपैयाँ २५ पैसा र प्रतिसेयर नेटवर्थ ९० रुपैयाँ छ।

अन्य कम्पनीहरुको तेस्रो त्रैमासको वित्तीय विवरण पढ्न यहाँ क्लिक गर्नुहोस्