चन्द्रागिरी हिल्स लिमिटेडको नाफामा वृद्धि, कस्ता छन् अन्य सूचक?

चन्द्रागिरी हिल्स लिमिटेडले चालु आर्थिक वर्षको पहिलो त्रैमाससम्मको वित्तीय विवरण सार्वजनिक गरेको छ, जसअनुसार कम्पनीको खुद नाफा १९.४५ प्रतिशत बढेको छ। कम्पनीले २ करोड ५५ लाख रुपैयाँ खुद नाफा आर्जन गरेको छ, जबकि गत वर्षको सोही अवधिमा २ करोड १३ लाख रुपैयाँ नाफा कमाएको थियो।

आम्दानीमा घटोत्तरी आएको भएपनि वित्तीय खर्च र कुल खर्चमा कमी आएपछि कम्पनीको नाफा बढेको हो। समीक्षा अवधिमा कम्पनीको सञ्चालन आम्दानी ४.९९ प्रतिशत घटेको छ भने कुल आम्दानी ५.६९ प्रतिशत घटेको छ। त्यस्तै, कम्पनीको अन्य आम्दानी ८७.६६ प्रतिशत र कुल खर्च ४.०६ प्रतिशत घटेको छ।

Ads

Ads

Ads

वित्तीय खर्च ६ करोड ३३ लाखबाट घटेर ४ करोड ४९ लाखमा सीमित भएपछि कम्पनीको नाफा बढेको हो। कम्पनीको चुक्ता पूँजी १ अर्ब ५३ करोड ४० लाख रुपैयाँ रहेको छ भने जगेडा कोष ४ करोड ५१ लाख ऋणात्मक रहेको छ। नाफासँगै कम्पनीको प्रतिसेयर आम्दानी २७ पैसा बढेर १ रुपैयाँ ६६ पैसा पुगेको छ। असोज मसान्तसम्ममा कम्पनीको प्रतिशेयर नेटवर्थ ९७ रुपैयाँ ६ पैसा रहेको छ र मूल्य आम्दानी अनुपात ५६.६५ गुणा रहेको छ।