कर्पोरेट विकास बैंकमा जागिर खुल्यो, फ्रेसरले पनि आवेदन दिन पाउने

वीरगञ्जमा केन्द्रीय कार्यालय रहेको कर्पोरेट विकास बैंक लिमिटेडले विभिन्न पदका लागि जनशक्ति माग गरेको छ। मधेश प्रदेशको एक मात्र विकास बैंकले कानुनी अधिकृत (जुनियर अफिसरदेखि अफिसर स्तर) र सूचना प्रविधि (आईटी) सहायक स्तरमा योग्य उम्मेदवारहरू खोजेको हो।

कानुनी अधिकृतको लागि कानूनमा स्नातक डिग्री प्राप्त र अधिवक्ता इजाजतपत्र भएका, कम्तीमा ३ वर्ष अनुभव भएका र ४५ वर्ष ननाघेका उम्मेदवार आवश्यक छन्। आईटी सहायकको लागि सूचना प्रविधिमा स्नातक, कम्प्युटर हार्डवेयर, सफ्टवेयर, नेटवर्क, पुमारी सफ्टवेयर तथा डाटाबेसमा जानकार उम्मेदवारलाई प्राथमिकता दिइनेछ। १८ वर्ष पूरा भई ३० वर्ष ननाघेका र नयाँ उम्मेदवारले पनि आवेदन दिन सक्नेछन्। फ्रेसरले पनि आवेदन दिन सक्नेछन्।

अफिसर स्तरका लागि सर्टलिस्टिङ र अन्तर्वार्ता हुनेछ भने सहायक तहमा लिखित परीक्षा र अन्तर्वार्ता लिइनेछ।

इच्छुक उम्मेदवारले आफ्नो हस्तलिखित निवेदन, बायोडाटा, नागरिकता, फोटो, शैक्षिक र अनुभव सम्बन्धी कागजातहरू भदौ ५ गते (२०२५ अगस्ट २१) भित्र [email protected] मा पठाउनु पर्नेछ।