सेयरबजारको वृद्धिले पायो निरन्तरता

साताको पहिलो दिन आइतबार सेयरबजारले सुखद सुरुवात गरेको छ। आज सेयरबजार परिसूचक नेप्से २२.१० अंकले बढेर २०५२.६५ अंकको बिन्दुमा बन्द भएको हो। दिनभरको कारोबारमा १९४ कम्पनीहरुको सेयरमूल्य बढेको छ भने ४६ कम्पनीहरुको सेयरमूल्य घटेको छ। यस्तै ४ कम्पनीहरुको सेयरमूल्यमा भने कुनै परिवर्तन देखिएको छैन। 

दिनभरको कारोबारमा २ अर्ब ९९ करोड रुपैयाँको सेयर खरिदबिक्री भएको छ भने  सबैभन्दा बढी कारोबार हुनेमा क्रमशः शिवम् सिमेन्ट लिमिटेड, सोनपुर मिनरल्स एण्ड ओएल लिमिटेड, जोशी हाईड्रोपावर डेभलपमेन्ट कम्पनी लिमिटेड, हाथवे इन्भेष्टमेन्ट नेपाल लिमिटेड रहेका छन्।आज सबैभन्दा बढी माइक्रोफाइनान्स उपसमूह ४.२१% ले बढेको छ। यस्तै अन्य उपसमूह सकारात्मक देखिँदा हाइड्रोपावर उपसमूहमा मात्र गिरावट आएको छ।