छठ पर्वको अवसरमा सरकारले आज कात्तिक ३० गते सोमबार देशभर सार्वजनिक बिदा दिएको छ। छठ पर्वको समापनका अवसरमा सरकारले आज थप एक दिन सार्वजनिक बिदा दिएको हो।
सार्वजनिक बिदाका कारण आज सरकारी कार्यालय, बैंक तथा वित्तीय संस्था र नेपाल स्टक एक्सचेन्ज (नेप्से) पनि बन्द रहनेछन्। यससँगै आज सेयर बजारमा कारोबार हुने छैन।
गृह मन्त्रालयले कात्तिक २७ गते सूचना जारी गर्दै आज सार्वजनिक बिदा दिने निर्णय गरेको थियो। यसअघि कात्तिक २९ गते आइतबार छठ पर्वको मुख्य दिनका अवसरमा पनि सार्वजनिक बिदा दिइएको थियो।
छठ पर्वको अन्तिम दिन बिहान उदाउँदो सूर्यलाई अर्घ्य दिएपछि व्रत समापन गर्ने धार्मिक परम्परा छ।

प्रतिकृया