जोशी हाइड्रोपावरको नोक्सानी घट्यो, सञ्चालन आम्दानीमा सुधार

जोशी हाइड्रोपावरले चालु आर्थिक वर्षको पहिलो त्रैमाससम्म आइपुग्दा ४८ लाख ८ हजार रुपैयाँको नोक्सानी व्योहोर्नु परेको छ । यसअवधिमा कम्पनीले गत आर्थिक वर्षको चौथो त्रैमाससम्ममा यसले ४ करोड ८७ लाख १३ हजार रुपैयाँ नोक्सानी व्यहोरेको थियो ।

कम्पनीको सञ्चालन नाफा बढेसँगै यसको नोक्सानी घटेको हो ।असार मसान्तसम्ममा यसले ६६ लाख ६९ हजार रुपैयाँ सञ्चालन नोक्सानी व्यहोरेको थियो भने असोज मसान्तसम्म आइपुग्दा ५७ लाख रुपैयाँ सञ्चालन आम्दानी गरेको छ । कम्पनीले विद्युत् बिक्रीबाट ९८ लाख ५६ हजार रुपैयाँ आर्जन गरेको छ ।

यसैगरी, असोज मसान्तसम्म यसको चुक्ता पुँजी ३७ करोड १४ लाख रुपैयाँ छ । प्रतिसेयर आम्दानी १ रुपैयाँ १९ पैसा ऋणात्मक छ । प्रतिसेयर नेटवर्थ ५२ रुपैयाँ ०७ पैसा छ ।