म्युचुअल फण्डमा लगानीको अवसर: ‘मुक्तिनाथ म्युचुअल फण्ड १’ को इकाई आजदेखि बिक्री खुला

बजारको चिरफार

२०८१ मंसिर २० गते

० प्रतिकृया

म्युचुअल फण्डमा लगानीको अवसर: ‘मुक्तिनाथ म्युचुअल फण्ड १’ को इकाई आजदेखि बिक्री खुला

Ads

मुक्तिनाथ क्यापिटल लिमिटेडद्वारा व्यवस्थापन गरिएको पहिलो म्युचुअल फण्ड “मुक्तिनाथ म्युचुअल फण्ड–१” को आज (मंसिर २० गते) निष्काशन तथा बिक्री खुला गरिएको छ। कुल १० करोड इकाईमध्ये १.५ करोड इकाई कोष प्रवर्द्धक मुक्तिनाथ विकास बैंक लिमिटेडका लागि सुरक्षित गरिएको छ भने बाँकी ८ करोड ५० लाख इकाई सर्वसाधरणलाई बिक्री गर्न लागेको हो।

उक्त फण्डमा प्रति इकाई मूल्य १० तोकिएको यस म्युचुअल फण्डमा न्यूनतम १०० इकाईदेखि अधिकतम ९० लाख इकाईसम्म आवेदन दिन सकिनेछ। यस फण्डमा मंसिर २४ गतेसम्म आवेदन दिन सकिनेछ। उक्त समयमा पर्याप्त आवेदन नपरेको खण्डमा पुस ४ गतेसम्म आवेदन म्याद थप गर्न सकिनेछ।

Ads

फण्डको धितोपत्र निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ। १० वर्ष अवधिको यो बन्दमुखी योजनाका लगानीकर्ताले धितोपत्र बोर्डबाट अनुमति प्राप्त बैंक तथा वित्तीय संस्थाहरूको आस्बा सेवा मार्फत वा मेरो सेयर वेब तथा एपबाट आवेदन दिन सक्नेछन्।