राष्ट्रिय प्रजातन्त्र पार्टी (राप्रपा) ले नेपाली कांग्रेस र नेकपा (एमाले) को गठबन्धन सरकारलाई ६ महिना नपुग्दै असफलतासम्म पुग्ने चेतावनी दिएको छ। पार्टीले जनमत सिर्जना र आन्दोलनको तयारी गर्दै, पुस र माघ महिनाभर प्रदेश, जिल्ला र स्थानीय तहमा विरोधका कार्यक्रम र खबरदारी सभा गर्ने निर्णय गरेको जनाएको छ।
राप्रपाका प्रवक्ता मोहन श्रेष्ठले मंगलबार जारी गरेको विज्ञप्तिमा भनेको छ, “एमाले-कांग्रेस गठबन्धन सरकार ६ महिना नपुग्दै असफलतातर्फ उन्मुख भएको छ।” उनले थपे, “संसदको प्रमुख दलको सरकार पनि जनतामा उत्साह उत्पन्न गर्न असफल रह्यो।”
यसका साथै, राप्रपाले कांग्रेस र एमालेबीच भएको ७ बुँदे सहमतिको विषयमा विशेष ध्यानाकर्षण गराउँदै, संविधान संशोधनको कुरा गम्भीरतासाथ अघि बढाउन सरकारसँग आग्रह गरेको छ। साथै, राप्रपाले सहकारी पीडितका समस्यामा पनि सरकारको ध्यानाकर्षण गराउँदै, सहकारीको बचत रकम हिनामिना गर्ने सबैलाई कानूनी कारबाहीमा ल्याउन र बचतकर्ताको रकम फिर्ता सुनिश्चित गर्न सरकारलाई दबाब दिएको छ।
![सेबोन अध्यक्ष भट्टले सार्वजनिक गरे पूँजी बजार विकासका १५ प्रमुख एजेन्डा [भिडियोसहित]](https://bajarkochirfar.com/wp-content/uploads/2026/07/89bc274a-9daf-4136-875c-cec0d72f8ee8-150x150.png)
प्रतिकृया