चालु आर्थिक वर्षको पहिलो त्रैमासमा सर्वोत्तम सिमेन्टले २ करोड २५ लाख रुपैयाँ नोक्सानी व्यहोरेको छ। अघिल्लो वर्ष यसै अवधिमा कम्पनीले १७ करोड ३८ लाख रुपैयाँ नाफा कमाएको थियो।
यस त्रैमासमा कम्पनीको सञ्चालन आम्दानी पनि ७७.१६% ले घटेर १ अर्ब ४५ करोडमा सीमित भएको छ, जबकि अघिल्लो वर्ष सञ्चालन आम्दानी ६ अर्ब ३७ करोड रुपैयाँ थियो। बिक्री लागत पनि ७६.०४% ले घटेर १ अर्ब ३३ करोड ४८ लाखमा पुगेको छ।
हालसम्म कम्पनीको चुक्ता पुँजी ४ अर्ब ६५ करोड रहेको छ । अदर इक्वीटी ४ अर्ब २३ करोड रुपैयाँभन्दा बढी रहेको कम्पनीको जगेडा कोष रकम ३३ करोड ६८ लाख रुपैयाँभन्दा बढी छ । साथै, प्रतिसेयर आम्दानी १ रुपैयाँ ९४ पैसा ऋणात्मक छ भने प्रतिसेयर नेटवर्थ १९८ रुपैयाँ ३३ पैसा रहेको छ।
प्रतिकृया