विद्युत बिक्री आम्दानी बढेपछि चालु आर्थिक वर्षको पहिलो त्रैमासमा रिडी पावर कम्पनी लिमिटेडले ५ करोड ३९ लाख रुपैयाँ खुद नाफा कमाएको छ। अघिल्लो वर्षको सोही अवधिमा कम्पनी ४ करोड ७५ लाख रुपैयाँ घाटामा थियो।
रिडी पावरले पहिलो त्रैमासमा विद्युत बिक्रीबाट १२ करोड १ लाख रुपैयाँ आम्दानी गरेको छ, जुन गत वर्षको तुलनामा १९८.२४ प्रतिशतले बढी हो। विद्युत बिक्री आम्दानी बढेपछि कम्पनीको नाफा बढेको हो।
समिक्षा अवधिमा कम्पनीको कुल सञ्चालन खर्च १ करोड १९ लाख रुपैयाँबाट बढेर २ करोड ४८ लाख रुपैयाँ पुगेको छ। रिडी पावरको प्रतिसेयर आम्दानी ८ रुपैयाँ ६१ पैसा छ भने प्रतिसेयर नेटवर्थ ९६ रुपैयाँ १८ पैसा रहेको छ।
प्रतिकृया