काठमाडौंमा खाना पकाउने ग्यासको अभाव भइरहेका बेला नेपाल आयल निगमले आज शनिबार पाँच स्थानबाट विभिन्न ब्रान्डका एलपी ग्यास सिलिन्डर बिक्री गर्ने भएको छ।

जिल्ला प्रशासन कार्यालय काठमाडौं र निगमको समन्वयमा ग्यास उद्योगीमार्फत तोकिएका स्थानमा बिहान १० बजेदेखि साँझ ६ बजेसम्म ग्यास बिक्री गरिनेछ।

Ads

निगमका अनुसार टेकुस्थित निगम परिसरबाट नेपाल, एचपी, एभरेष्ट/सुगम, श्रीराम, सगर, सिद्धार्थ, श्री र हिमाल ग्यास बिक्री हुनेछ। चावहिलको यातायात कार्यालय परिसरबाट नेपाल र एचपी ग्यास उपलब्ध हुनेछ।

त्यस्तै, कीर्तिपुरको राधास्वामी परिसरबाट नेपाल, एचपी, एभरेष्ट/सुगम, श्रीमाया, श्रीकृष्ण, साइवावा र ओम ग्यास बिक्री हुनेछ। वसुन्धरास्थित राधास्वामी परिसरबाट नेपाल राधास्वामी, एचपी राधास्वामी, एभरेष्ट/सुगम राधास्वामी, भानु र ओम ग्यास बिक्री गरिनेछ।

पुरानो जिल्ला प्रशासन कार्यालय, बबरमहलबाट नेपाल, एचपी, एभरेष्ट/सुगम, श्रीराम, सगर, हिमाल, एसटीसी, लोकप्रिय र सूर्य ग्यास बिक्री हुने निगमले जनाएको छ।

ग्यास खरिद गर्न जाने उपभोक्ताले नागरिकता वा राष्ट्रिय परिचयपत्र अनिवार्य रूपमा साथमा लैजानुपर्नेछ।

774471018 1086757670690764 9094465957119724960 n e1786760901837 https://bajarkochirfar.com/gas-cylinders-are-being-sold-from-these-locations-in-kathmandu-today-which-gas-is-available-where | %tags

यो खबर पढेर तपाईलाई कस्तो महसुस भयो ?