७.९९% ब्याजदरमा मार्जिन ट्रेडिङ सुविधा ल्याउँदै क्यापिटल म्याक्स

बजारको चिरफार
बजारको चिरफार
२०८३ आश्विन १६ गते
AdvertisementAds
७.९९% ब्याजदरमा मार्जिन ट्रेडिङ सुविधा ल्याउँदै क्यापिटल म्याक्स
AdvertisementAds

क्यापिटल म्याक्स सेक्युरिटिज लिमिटेड (ब्रोकर नं. ६२) ले ग्राहकका लागि ७.९९ प्रतिशत वार्षिक ब्याजदरमा स्मार्ट मार्जिन ट्रेडिङ सुविधा सञ्चालनमा ल्याउने घोषणा गरेको छ।

कम्पनीका अनुसार यस सुविधामार्फत ग्राहकले आफ्नो उपलब्ध पूँजीको आधारमा थप लगानी क्षमता उपयोग गर्न सक्नेछन्। मार्जिन ट्रेडिङअन्तर्गत ग्राहकले स्वीकृत सीमाभित्र आवश्यकताअनुसार वित्तीय सुविधा लिन सक्नेछन्।

कम्पनीले सार्वजनिक गरेको प्रेस विज्ञप्ति अनुसार मार्जिन ट्रेडिङको वित्तीय सीमा रु. १० लाखदेखि रु. ५ करोडसम्म रहनेछ। ग्राहकले न्यूनतम ३० प्रतिशत मार्जिन कायम गर्नुपर्नेछ भने ब्रोकर कम्पनीबाट अधिकतम ७० प्रतिशतसम्म फाइनान्सिङ उपलब्ध हुनेछ।

यस सुविधाको अवधि १ देखि ३ महिनासम्म रहने र सेवा शुल्क ०.२५ प्रतिशत लाग्ने कम्पनीले जनाएको छ। स्वीकृत सम्पूर्ण सीमामा नभई ग्राहकले वास्तवमा प्रयोग गरेको रकममा मात्र ब्याज लाग्ने व्यवस्था रहेको पनि कम्पनीले जनाएको छ।

कम्पनीका अनुसार मार्जिन ट्रेडिङ सुविधाले कम प्रारम्भिक पूँजीबाट खरिद क्षमता बढाउन तथा उपलब्ध इक्विटीको प्रभावकारी उपयोग गर्न सहयोग गर्नेछ।

AdvertisementAds

कम्पनीले मार्जिन ट्रेडिङअन्तर्गत हुने कारोबार तथा वित्तीय सुविधा प्रचलित नियम, नियामकीय व्यवस्था, स्वीकृत सीमा र कम्पनीका सर्तअनुसार हुने जनाएको छ। साथै, मार्जिन ट्रेडिङमा बजार जोखिम रहने भएकाले लगानीकर्ताले आफ्नो जोखिम वहन क्षमता र लगानी उद्देश्यलाई ध्यानमा राखेर निर्णय गर्नुपर्ने उल्लेख गरेको छ।

यो खबर पढेर तपाईलाई कस्तो महसुस भयो ?

प्रतिकृया

सम्बन्धित खबर

होमपेजबिज शर्ट्स