लाभांश पारित गर्न सर्वोत्तम सिमेन्टको साधारण सभा कहिले बस्दै ?

सर्वोत्तम सिमेन्टले लाभांश पारित गर्न साधारण सभा बोलाएको छ। कम्पनीले पुस २६ गते साधारण सभा बोलाएको हो।  सभा होटल भिलासा, भैरहवा रुपेन्देहीमा बिहान ११ बजे सुरु हुनेछ ।

साधारण सभाबाट बोनस सेयर र नगद गरि कुल १० प्रतिशत लाभांश प्रस्ताव पारित गर्दैछ। कम्पनीका सेयरधनीले आर्थिक वर्ष २०८०/८१ को मुनाफाबाट चुक्ता पुँजीको ७ प्रतिशतले हुन आउने ३२ करोड ५५ लाख रुपैयाँ बराबरको बोनस सेयर प्राप्त गर्नेछन्। यस्तै, कम्पनीले कर प्रयोजनसहित ३ प्रतिशतले हुन आउने १३ करोड ९५ लाख रुपैयाँ नगद लाभांश घोषणा गरेको छ। सर्वोत्तमको चुक्ता पुँजी ४ अर्ब ६५ करोड रुपैयाँ छ।

Ads

Ads

Ads

साधारण सभा र लाभांश वितरण प्रयोजनका लागि कम्पनीले पुस १२ गते बुक क्लोज गरिसकेको छ। जस अनूसार बुक क्लोजअघि कायम सेयरधनीले मात्र सभामा भाग लिन तथा प्रस्तावित लाभांश पाउनेछन्।