एमालेका पोखरेल भन्छन्, “धैर्य गरौँ, हामी फेरि उठ्ने छौँ”

नेकपा एमालेका महासचिव शंकर पोखरेलले वर्तमान परिस्थितिमा धैर्य र संयम अपनाउन आह्वान गरेका छन्। बुधबार बिहान सामाजिक सञ्जालमार्फत् पोखरेलले कवि नेत्रलाल अभागीको कविता सेयर गर्दै अहिलेको विषम परिस्थितिमा धैर्य र संयमित रहन आग्रह गरेका हुन्।

आँधी र हुरी नचलेको बेला

वातावरण स्तब्ध र शान्त भएको घडीमा

एउटा नर्कट पनि

छाती खोलेर ठिङ्ग उभिन सक्छ

एउटा कायरले पनि

बहादुरीका लामालामा कुरा गर्न सक्छ

तर मेरा मित्र

आँधी र हुरी चलिरहेको बेलामा

वातावरण गतिशील र अशान्त भएको घडीमा

पहाडको चुचुरोमाथि

आँधी र हुरीसँग पौठेजोरी खेल्दै

एउटा सतिसाल मात्र ठिङ्ग उभिन सक्छ ।