नेपाल राष्ट्र बैंक (राष्ट्र बैंक)ले तोकिएको समयमा लाइसेन्स नवीकरण नगरेका दुई मनी एक्सचेन्जको इजाजतपत्र खारेज गरेको छ। राष्ट्र बैंकले एक सूचना जारी गर्दै मनिचेञ्जर इजाजत पत्र तथा निरीक्षण नियमावली, २०७७ (चौथो संशोधनसहित) को विनियम १९ को उपविनियम (३) अनुसार म्याद समाप्त भएको तीन महिनाभित्र नवीकरण नगरेकाले इजाजतपत्र रद्द गर्ने निर्णय गरिएको जानकारी गराएको छ।
लाइसेन्स खारेज भएका दुई मनी एक्सचेन्ज—लर्ड बुद्ध मनी एक्सचेन्ज र स्तुपा मनी एक्सचेन्ज काठमाडौं महानगरपालिकाको सुनधारा क्षेत्रमा सञ्चालनमा रहेका थिए। समयमै नवीकरण प्रक्रिया पूरा नगरेपछि राष्ट्र बैंकले दुवै संस्थाको लाइसेन्स खारेज गरेको हो।
प्रतिकृया