नेपाल इन्स्योरेन्सले माग्यो ठुलो संख्यामा कर्मचारी, कुन कुन पदमा दिन सकिन्छ आवेदन ?

नेपाल इन्स्योरेन्स कम्पनी लिमिटेडले विभिन्न पदका लागि ४० जना कर्मचारी माग गरेको छ। कम्पनीले असिस्टेन्ट/सिनियर असिस्टेन्ट २५ जना, जुनियर अफिसर–डेप्यूटी म्यानेजर १० जना, र म्यानेजर/सिनियर म्यानेजर ५ जना गरी कुल ४० पदमा आवेदन खुलाएको हो।

असिस्टेन्ट/सिनियर असिस्टेन्ट पदका लागि न्यूनतम प्लस टू उत्तीर्ण गरी निर्जीवन बीमा कम्पनीको मार्केटिङ क्षेत्रमा कम्तीमा २ वर्षको अनुभव हुनुपर्नेछ भने उम्मेदवारको उमेर १८ वर्ष पूरा भई ३५ वर्ष ननाघेको हुनुपर्छ। जुनियर अफिसर–डेप्यूटी म्यानेजर पदका लागि न्यूनतम स्नातक (ब्याचलर) डिग्री हासिल गरी सोही क्षेत्रमा कम्तीमा ३ वर्षको अनुभव आवश्यक छ, जसका लागि उमेर सीमा २१ देखि ४० वर्ष तोकिएको छ। त्यसैगरी, म्यानेजर/सिनियर म्यानेजर पदका लागि कम्तीमा स्नातक डिग्री र निर्जीवन बीमा कम्पनीको मार्केटिङ क्षेत्रमा ५ वर्षको अनुभव अनिवार्य छ, जसका लागि उम्मेदवारको उमेर ३० वर्ष पूरा भई ४५ वर्षसम्म हुनुपर्छ।