नेपाल विद्युत् प्राधिकरणले ५ हजार मेगावाटका जलविद्युत् आयोजनासँग विद्युत् खरिद सम्झौता (पीपीए) गर्ने निर्णय गरेको छ। प्राधिकरणले बुधबार एक सूचना जारी गर्दै अर्धजलाशययुक्त (पीआरओआर) र बहाबमा आधारित (आरओआर) परियोजनासँग पीपीए प्रक्रिया सुरु गर्ने जनाएको हो। यसमा १८५९ मेगावाटका आरओआर आयोजना र ३१ सय ७ मेगावाटका अर्धजलाशययुक्त आयोजनासम्मको समावेश हुनेछ। प्राधिकरणले पहिले नै कनेक्सन एग्रिमेन्ट भएका, तर पीपीए बाँकी रहेका आयोजनाहरूसँग सम्झौताका लागि सम्पर्क गर्न सूचना जारी गरेको छ।
यो निर्णय नेपाल सरकारको ऊर्जा विकास मार्गचित्र अनुसार २०३५ सम्म नेपालको विद्युत् उत्पादन क्षमता २८,५०० मेगावाट पुर्याउने लक्ष्यलाई ध्यानमा राखेर गरिएको हो। प्राधिकरणले ३० वैशाखमा पीपीए प्रक्रिया अघि बढाउने निर्णय गरेको छ, जसमा ५४ आयोजना पाइपलाइनमा छन्। यसले नेपाल र भारतबीच १०,००० मेगावाट विद्युत् निर्यातको सम्झौतासमेत सघाउनेछ।
![९ कम्पनीहरुको लकइन खुल्दै ! बजारमा के प्रभाव पर्ला ? [भिडियोसहित]](https://bajarkochirfar.com/wp-content/uploads/2026/08/t7hhw_4bPL0-maxresdefault-150x150.jpg)
प्रतिकृया