३ अर्ब बराबरको ऋणपत्र जारी गर्दै नबिल बैंक, पायो धितोपत्र बोर्डबाट अनुमति

नबिल बैंकले ३ अर्ब रुपैयाँबराबरको ऋणपत्र जारी गर्न नेपाल धितोपत्र बोर्डबाट अनुमति पाएको छ। बोर्डले असार १२ गते बैंकलाई ‘नबिल डिबेन्चर–२०८२’ नामक ऋणपत्र निष्काशन गर्न स्वीकृति दिएको हो।

बैंकले १ हजार रुपैयाँ अंकित दरमा कुल ३० लाख इकाइ ऋणपत्र जारी गर्नेछ। जसमध्ये १८ लाख इकाइ व्यक्तिगत तवरबाट र बाँकी १२ लाख इकाइ सर्वसाधारणका लागि सार्वजनिक निष्काशन हुनेछ।

यो ऋणपत्र ८ वर्षे अवधिको हुनेछ र लगानीकर्तालाई वार्षिक ७ प्रतिशत ब्याज दिने व्यवस्था छ। ऋणपत्रको बिक्री प्रबन्धक नेपाल एसबीआई मर्चेन्ट बैंकिङ लिमिटेड रहेको छ।