सरकारसँग १४ बुँदे सहमति भएपछि लघुवित्त ऋणीहरूको धर्ना स्थगित, ३२३ जना घर फर्किए

सरकारसँग १४ बुँदे सहमति भएपछि लघुवित्त ऋणीहरूले ललितपुरको पुल्चोकस्थित मानव अधिकार आयोगको कार्यालय बाहिर गर्दै आएको धर्ना स्थगित गरेका छन्। सहमतिपछि उनीहरू आज आ–आफ्नो घर फर्किएका हुन्।

नेपाल सरकार र ऋणीहरूका प्रतिनिधिबीच भदौ ६ गते भएको वार्तामा १४ बुँदे सहमति जुटेपछि धर्ना कार्यक्रम स्थगित गरिएको हो।

Ads

Ads

Ads

सहमति कार्यान्वयनसँगै सरकारले आज बिहान ८:५० बजेदेखि साझा यातायातका बसको व्यवस्था गरी ऋणीहरूलाई उनीहरूको गन्तव्यतर्फ पठाएको थियो। विभिन्न सरकारी निकायका अधिकारीहरूको उपस्थितिमा ३२३ जना ऋणीलाई ८ वटा बसमार्फत बिदाइ गरिएको हो।

झापा, मोरङ, सर्लाही, महोत्तरी, सिन्धुली, बारा, पर्सा र नवलपरासीलगायत जिल्लाबाट आएका ऋणीहरूलाई आ–आफ्नो क्षेत्रतर्फ पठाइएको छ।