हकप्रद सेयर निष्काशन गर्ने प्रस्तावसहित मनकामना इन्जिनियरिङ हाइड्रोपावरको साधारण सभा भोलि बस्दै

हकप्रद सेयर निष्काशनको प्रस्तावसहित मनकामना इन्जिनियरिङ हाइड्रोपावरको पाँचौं वार्षिक साधारण सभा भोलि भदौ २० गते बस्दैछ। सभा भोलि रोयल दरबार रेष्ट्रो एण्ड भेन्यु, महाराजगंजमा बिहान १०:३० बजे सुरु हुनेछ।

कम्पनीले सभामा पूँजी वृद्धि तथा प्रबन्धपत्र नियमावली संशोधन गर्ने र हकप्रद सेयर निष्काशन गर्ने विशेष प्रस्ताव रहेको छ। साथै, आव २०८१/८२ को वार्षिक प्रतिवेदन माथि छलफल गरी पारित गर्ने र सोही आवको लेखापरिक्षण परिक्षण प्रतिवेदन तथा वित्तीय विवरणमाथि छलफल गर्ने प्रस्ताव पनि रहेको छ।

साधारण सभा प्रयोजनका लागि कम्पनीले भदौ ६ गते बुक क्लोज गरिसकेको छ। जस अनुसार, भदौ ५ गतेसम्म कायम रहेका सेयरधनीले मात्र सभामा भाग लिन सक्नेछन्।