लुम्बिनी विकास बैंकले माग्यो विभिन्न पदमा कर्मचारी, आवेदन कहिलेसम्म दिन सकिन्छ ?

लुम्बिनी विकास बैंक लिमिटेडले रिकभरीसम्बन्धी विभिन्न पदहरूका लागि आवेदन आह्वान गरेको छ। बैंकले रिकभरी रिलेसनशिप म्यानेजर (वरिष्ठ अधिकृत, अधिकृत वा कनिष्ठ अधिकृत स्तर) र रिकभरी रिलेसनशिप अफिसर (सुपरभाइजर, वरिष्ठ सहायक वा सहायक स्तर) पदहरू खुला गरेको हो। यी पदहरूका लागि कोशी प्रदेशमा २ जना, मधेश प्रदेशमा ३ जना, बागमती प्रदेश (नारायणगढ क्षेत्र) मा १ जना तथा लुम्बिनी प्रदेशमा १ जनाको माग गरिएको छ।

उक्त पदहरूका लागि उम्मेदवारले मान्यता प्राप्त विश्वविद्यालय वा कलेजबाट व्यवस्थापन संकायमा स्नातक (स्नातकोत्तरलाई प्राथमिकता दिइने) उत्तीर्ण गरेको हुनुपर्छ। रिकभरी रिलेसनशिप म्यानेजर (अधिकृत स्तर) का लागि कम्तीमा ५ वर्षको बैंकिङ अनुभव आवश्यक छ, जसमध्ये कम्तीमा ३ वर्ष शाखा प्रबन्धक, रिलेसनशिप म्यानेजर वा केन्द्रीय रिकभरी विभागमा रिकभरी अफिसरको रूपमा कार्य गरेको हुनुपर्छ।

Ads

Ads

Ads

त्यस्तै, रिकभरी रिलेसनशिप अफिसर (सहायक स्तर) का लागि कम्तीमा ३ वर्षको बैंकिङ अनुभव आवश्यक छ, जसमध्ये कम्तीमा १ वर्ष शाखा प्रबन्धक, रिलेसनशिप म्यानेजर वा केन्द्रीय रिकभरी विभागमा रिकभरी अफिसरको रूपमा कार्य गरेको हुनुपर्छ। उम्मेदवारले बैंकिङ रिकभरी प्रक्रियासम्बन्धी गहिरो ज्ञान राख्नुका साथै विद्यमान नियम, निर्देशिका तथा उद्योगसम्बन्धी उत्कृष्ट अभ्यासबारे जानकारी राख्नुपर्नेछ। साथै, ऋण नतिर्ने ग्राहकहरूसँग प्रभावकारी संवाद गर्ने क्षमता राखी तोकिएको लक्ष्य प्राप्त गर्ने योग्यता हुनुपर्नेछ।

अन्य आवश्यक शर्तहरू अनुसार, अधिकृत तहका लागि अधिकतम उमेर सीमा ४० वर्ष र सहायक तहका लागि अधिकतम उमेर सीमा ३५ वर्ष तोकिएको छ। उम्मेदवारले २ पाङ्ग्रे सवारी चालक अनुमति पत्र (ड्राइभिङ लाइसेन्स) अनिवार्य रूपमा प्राप्त गरेको हुनुपर्छ। इच्छुक उम्मेदवारहरूले बैंकको आधिकारिक करियर पोर्टल https://career.lumbinibikasbank.com मा लगइन गरी सम्बन्धित पदमा आवेदन दिन सक्नेछन्। आवेदन दिने अन्तिम मिति २०८१ चैत २१ गते राति १२:०० बजे सम्म रहेको छ।