शिखर इन्स्योरेन्समा जागिर खुल्यो, कुन कुन पदमा दिन सकिन्छ आवेदन ?

शिखर इन्स्योरेन्स कम्पनी लिमिटेडले विभिन्न पदका लागि कर्मचारी माग गरेको छ। नेपालकै अग्रणी साधारण बीमा कम्पनीमध्ये एक शिखर इन्स्योरेन्सले आफ्नो विस्तार हुँदै गरेको टिममा ऊर्जावान, दक्ष र बीमा क्षेत्रमा करियर बनाउन इच्छुक पेशेवरहरूलाई आवेदन दिन आह्वान गरेको हो।

कम्पनीले ब्रान्ड म्यानेजर/अधिकृत, डिजिटल सेल्स म्यानेजर/अधिकृत, सेल्स तथा मार्केटिङ म्यानेजर/अधिकृत (नेपालभरिका शाखाहरूका लागि), र कार्यकारी सचिव पदका लागि आवेदन खुला गरेको छ।

Ads

ब्रान्ड म्यानेजर/अधिकृतका लागि मार्केटिङ, व्यवसाय प्रशासन, मास कम्युनिकेशन वा सम्बन्धित विषयमा स्नातक (स्नातकोत्तरलाई प्राथमिकता) र ब्रान्ड व्यवस्थापन, मार्केटिङ वा पीआरमा कम्तीमा २ वर्षको अनुभव आवश्यक छ। डिजिटल सेल्स म्यानेजर/अधिकृतका लागि मार्केटिङ, व्यवसाय प्रशासन वा सूचना प्रविधि सम्बन्धी स्नातक (स्नातकोत्तरलाई प्राथमिकता) तथा डिजिटल सेल्स, ई–कमर्स वा डिजिटल मार्केटिङमा कम्तीमा २ वर्षको अनुभव हुनुपर्नेछ।

त्यस्तै, सेल्स तथा मार्केटिङ म्यानेजर/अधिकृतका लागि कुनै पनि विषयमा स्नातक पास र म्यानेजर स्तरका लागि ५ वर्ष तथा अधिकृत स्तरका लागि ३ वर्षको साधारण बीमा क्षेत्रमा काम गरेको अनुभव हुनु जरुरी छ। कार्यकारी सचिव पदका लागि कम्तीमा १ वर्षको सोही क्षेत्रको अनुभव र स्नातक डिग्री आवश्यक छ।

इच्छुक उम्मेदवारले आफ्नो आवेदन, बायोडाटा, नागरिकता प्रमाण, शैक्षिक तथा अनुभव प्रमाणपत्र र पासपोर्ट साइज फोटोसहित [email protected] मा इमेल गर्न सक्नेछन्। आवेदन १५ दिनभित्र पठाइसक्नु पर्नेछ।