क्षतिग्रस्त भौतिक संरचनाको पुनर्निर्माणमा इन्जिनियर्स एसोसियसनले निःशुल्क प्राविधिक सहयोग गर्ने

देशभरका इञ्जिनियरहरुको छाता संस्था नेपाल इञ्जिनियर्स एसोसियसनले जेनजी आन्दोलनका क्रममा क्षतिग्रस्त भएका भौतिक संरचनाको मूल्यांकन र पुनर्निर्माणका लागि निःशुल्क प्राविधिक सहयोग दिने भएको छ।

महासचिव विनोदप्रकाश पण्डितका अनुसार विसं १९९० र २०७२ का भूकम्पबाट क्षतिग्रस्त संरचनाको पुनर्निर्माणमा नेपाली प्राविधिक जनशक्तिको योगदान रहेको र यसलाई निरन्तरता दिन चाहेको छ। अध्यक्ष सुवासचन्द्र बरालले सर्वोच्च अदालत, काठमाडौँ जिल्ला अदालत र नेपाल बार एशोसिएसनको भवनमा प्रारम्भिक निरीक्षण सुरु भएको जानकारी दिए।

Ads

Ads

Ads

अभियानमा अवलोकन, जोखिम मूल्यांकन, प्रयोग योग्यता जाँच र पुनर्निर्माण सम्भाव्यता अध्ययन गरिनेछ। सम्पूर्ण इञ्जिनियरलाई सहभागी हुन आग्रह गरिएको छ।