आरएसडीसी लघुवित्तको नाफा ३६ प्रतिशतले घट्यो, अन्य प्रमुख सूचक कस्ता ?

आरएसडीसी लघुवित्तले चालु आर्थिक वर्षको पहिलो त्रैमासको वित्तीय विवरण सार्वजनिक गरिसकेको छ। उक्त  विवरण अनुसार कम्पनीले २ करोड ६० लाख रुपैयाँ खुद नाफा कमाएको छ, जुन अघिल्लो वर्षको तुलनामा करिब ३६% कम हो। अघिल्लो वर्षको सोही अवधिमा नाफा ४ करोड ७ लाख रुपैयाँ थियो।

हाल कम्पनी को चुक्ता पुँजी ९४ करोड ४३ लाख र जगेडा कोषमा १७ करोड ५७ लाख रुपैयाँ रहेको छ । यसअवधिमा कम्पनीको खुद ब्याज आम्दानी र सञ्चालन नाफा घटेको छ । खुद ब्याज आम्दानी ६ करोड ४० लाख रुपैयाँ पुगेको छ । यस्तै, सञ्चालन नाफा पनि  ३ करोड ७२ लाख रुपैयाँमा कायम भएको  छ ।

कम्पनीको खराब कर्जामा पनि बृद्धि भएको छ, खराब कर्जा ०.८०% बाट बढेर ०.९०% पुगेको छ। प्रतिसेयर आम्दानी ७ रुपैयाँ ७१ पैसाले घटेर ११ रुपैयाँ ०५ पैसा पुगेको छ भने प्रतिसेयर नेटवर्थ १३० रुपैयाँ ४५ पैसा छ।