नेकपा (माओवादी केन्द्र) का सांसद जगप्रसाद शर्माले पूर्वराजा ज्ञानेन्द्र शाहलाई वंश विनाशको आरोप लगाएका छन्। आइतबारको राष्ट्रिय सभा बैठकमा बोल्दै उनले पूर्वराजा ज्ञानेन्द्र शाहप्रति लक्षित गर्दै, “जसले वंश विनाश गरेका छन्, उनीहरूले अहिले राजा फर्काउने नाटक मञ्चन गरिरहेका छन्,” भन्दै आलोचना गरेका छन्।
सांसद शर्माले नेपालमा राजतन्त्रको अन्त्य गर्नका लागि संसारका अन्य देशहरूको तुलनामा सबैभन्दा लामो संघर्ष र समय लागेको उल्लेख गरे। उनले भने, “हामीले अढाई सय वर्ष पुरानो निरंकुश सामन्तवाद राजतन्त्रको अन्त्य गर्न एक कठिन र चुनौतीपूर्ण संघर्ष गरे,” र अहिले त्यसको विरोध गर्दै प्रतिगामी शक्तिहरू राजा फर्काउने प्रयासमा रहेको आरोप लगाए।
शर्माले थप भने, “राजतन्त्र अन्त्य भइसकेपछि अहिले त्यसको पुनःस्थापना गर्न खोज्नेहरू संविधान र व्यवस्थाको विरोध गर्दै काम गर्दैछन्।” उनले सरकारलाई राष्ट्रिय सहमति खोज्नुपर्ने बेला पनि त्यस्तो कदम नचालिएकोमा असन्तुष्टि जनाए।
प्रतिकृया