स्ट्याण्डर्ड चार्टर्ड बैंकले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ। वित्तीय विवरण अनुसार बैंकको खुद नाफा ११.१७ प्रतिशतले घटेर २ अर्ब १७ करोड ३७ लाख रुपैयाँमा सीमित भएको छ। अघिल्लो वर्षको सोही अवधिमा बैंकले २ अर्ब ४४ करोड ७१ लाख रुपैयाँ खुद नाफा कमाएको थियो।
खुद ब्याज आम्दानी १७.३३ प्रतिशतले घटेर ३ अर्ब २४ करोड रुपैयाँमा आएको छ भने सञ्चालन आम्दानी १०.४७ प्रतिशतले घटेर ४ अर्ब ८६ करोड रुपैयाँमा सीमित भएको छ। इम्पेयरमेन्ट चार्ज २५ करोड रुपैयाँबाट घटेर ऋणात्मक १० करोड रुपैयाँमा आएको छ।
यो पनि पढ्नुहोस्: इम्पेयरमेन्ट चार्ज बढेपनि एनएमबिको नाफा किन बढ्यो ? | BAJARKO CHIRFAR
खराब कर्जा अनुपात ०.७० प्रतिशतबिन्दुले घटेर १.४४ प्रतिशत आएको छ।
समीक्षा अवधिमा बैंकले १ खर्ब २२ अर्ब ६० करोड रुपैयाँ निक्षेप संकलन गरी ७७ अर्ब २६ करोड रुपैयाँ कर्जा प्रवाह गरेको छ।
बैंकको चुक्ता पूँजी १० अर्ब ४ करोड २३ लाख रुपैयाँ रहेको भने वितरणयोग्य नाफा १ अर्ब ४७ करोड रुपैयाँ र जगेडा कोषमा ९ अर्ब ४२ करोड रुपैयाँ सञ्चित छ।
बैंकको प्रतिसेयर आम्दानी (ईपीएस) ५ रुपैयाँ ७४ पैसाले घटेर २८ रुपैयाँ ८६ पैसामा आएको छ। यस्तै प्रतिसेयर नेटवर्थ २०८ रुपैयाँ ४० पैसा रहेको छ।
प्रतिकृया