चैत्र ९ गतेदेखि आईपीओ निष्काशन गर्दै सोपान फर्मास्युटिकल्स

२०८२ फाल्गुन २९ गते

चैत्र ९ गतेदेखि आईपीओ निष्काशन गर्दै सोपान फर्मास्युटिकल्स

सोपान फर्मास्युटिकल्स लिमिटेडले चैत्र ९ गतेदेखि पहिलो चरणको आईपीओ निष्काशन गर्ने भएको छ। कम्पनीले पहिलो चरणमा श्रम स्वीकृति लिएर वैदेशिक रोजगारीमा रहेका नेपालीहरूका लागि ४ लाख २९ हजार कित्ता सेयर निष्काशन गर्न लागेको हो। यस आईपीओमा चैत्र १२ गतेसम्म आवेदन दिन सकिने व्यवस्था गरिएको छ।

लगानीकर्ताले न्यूनतम १० कित्ता र अधिकतम ११ हजार कित्तासम्म आवेदन दिन सक्नेछन्। उक्त आईपीओको बिक्री प्रबन्धक एनएमबि क्यापिटल रहेको छ।

Ads

पहिलो चरणपछि कम्पनीले सर्वसाधारणका लागि ३४ लाख ७४ हजार ९ सय कित्ता सेयर निष्काशन गर्नेछ। कम्पनीलाई नेपाल धितोपत्र बोर्ड (सेबोन) ले फागुन १७ गते आईपीओ निष्काशनको अनुमति दिएको हो।