साना किसान विकास लघुवित्तले तोक्यो बुक क्लोज मिति, कहिलेसम्म सेयरधनी बने पाइन्छ लाभांश ?

साना किसान विकास लघुवित्त वित्तीय संस्था लिमिटेडले आगामी वार्षिक साधारणसभा तथा लाभांश वितरणका लागि पुस् ९ गते बुक क्लोज मिति तय गरेको छ। जस अनुसार, पुस् ८ गतेसम्म कायम सेयरधनीहरू मात्र सभामा भाग लिन र लाभांश प्राप्त गर्नेछन्।

कम्पनीले आर्थिक वर्ष २०८०/८१ का लागि कुल १५ प्रतिशत दरले लाभांश दिने निर्णय गरेको हो। जसअन्तर्गत १४.२५ प्रतिशत बोनस सेयर र ०.७५ प्रतिशत नगद  लाभांश (करसहित) वितरणको प्रस्ताव गरिएको हो। उक्त प्रस्ताव पारित गर्न कम्पनीले पुस् २५ गते कार्की ब्याङ्क्वेट, बबरमहलमा आफ्नो २४ औँ वार्षिक साधारण सभा बोलाएको छ।