सर्वसाधारणका लागि कहिलेदेखि आईपीओ निष्काशन गर्दैछ भुजुङ्ग हाइड्रोपावर ?

२०८२ माघ २ गते

सर्वसाधारणका लागि कहिलेदेखि आईपीओ निष्काशन गर्दैछ भुजुङ्ग हाइड्रोपावर ?

भुजुङ्ग हाइड्रोपावर लिमिटेडले माघ १२ गतेदेखि सर्वसाधारणका लागि प्राथमिक सेयर (आईपीओ) निष्काशन गर्ने भएको छ । कम्पनीले ८ लाख ३० हजार कित्ता साधारण सेयर सर्वसाधारण लगानीकर्ताका लागि निष्काशन गर्न लागेको हो । आईपीओको मूल्य प्रतिकित्ता १०० रुपैयाँ तोकिएको छ ।

उक्त आईपीओमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ । निष्काशन छिटोमा माघ १५ गते र ढिलोमा माघ २६ गते बन्द हुनेछ । इक्रा नेपालले कम्पनीलाई ‘इक्राएनपी इस्यूअर रेटिङ्ग सिंगल बी प्लस’ प्रदान गरेको छ, जसले उच्च जोखिम संकेत गर्छ ।