लाभांश प्रस्ताव पारित गर्न मञ्जुश्री फाइनान्सले वार्षिक साधारण सभाको बोलाएको छ। कम्पनीको बुधबार बसेको सञ्चालक समितिको बैठकले पुस २८ गते वार्षिक साधारण सभा गर्ने भएको छ । सभा थापागाँउ ब्यांक्वेट, थापागाँउ नयाँबानेश्वर काठमाडौंमा बिहान ११ बजे सुरु हुनेछ ।
सभामा कम्पनीले आर्थिक वर्ष २०८०–८१ को नाफाबाट ६.३५ नगद लाभांश (कर प्रयोजनसहित) वितरण गर्ने प्रस्ताव पेश गर्नेछ । यसर्थ, कम्पनीले ८ करोड ५८ लाख २३ हजार ६०५ रुपैयाँ नगदमा खर्च गर्नेछ ।सभामा आर्थिक वर्ष २०८०–८१ को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ । आर्थिक वर्ष २०८१–८२ का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने अर्को एजेन्डा पनि छ ।
त्यसैगरी, सभामा प्रबन्धपत्रमा आवश्यक संशोधन गर्न सञ्चालक समितिलाई अख्तियारी दिने र संस्थापक सेयरधनीको समूह तर्फबाट ३ जना र सर्वसाधारण सेयरधनीको समूह तर्फबाट प्रतिनिधित्व गर्ने १ जना सञ्चालनहरुको निर्वाचन गर्ने एजेन्डा पनि छ ।
कम्पनीले सभा प्रयोजनका लागि पुस ११ गते बुक क्लोज गर्ने भएको छ । तसर्थ, पुस १० गतेसम्म कायम रहने सेयरधनीले मात्र प्रस्तावित लाभांश पाउन र साधारण सभामा भाग लिन सक्नेछन् ।
प्रतिकृया