नेपाल बैंकले विभिन्न पदमा १६३ जना कर्मचारी मागेको छ। यस अन्तर्गत, बैंकले प्रबन्धक पदका लागि ३ जना, उपप्रबन्धक पदमा १ जना, र सहायक प्रबन्धक पदमा ४२ जना कर्मचारी मागेको छ।
त्यसै गरी, बैंकले सहायक पदका लागि सातै प्रदेशबाट ९६ जना कर्मचारी मागेको छ। यसमा कोशी प्रदेशमा ६ जना, मधेश प्रदेशमा १६ जना, बागमती प्रदेशमा २३ जना, गण्डकी प्रदेशमा ११ जना, लुम्बिनी प्रदेशमा १७ जना, कर्णाली प्रदेशमा १७ जना, र सुदूरपश्चिम प्रदेशमा ६ जना कर्मचारी मागिएको छ।
बागमती प्रदेशमा सहायक आइटी पदका लागि १ जना र कनिष्ठ सहायक (गोल्ड टेस्टर) पदका लागि बागमती प्रदेशमा ७ जना, गण्डकी प्रदेशमा ३ जना, लुम्बिनी प्रदेशमा ६ जना र कर्णाली प्रदेशमा ४ जना कर्मचारी मागिएका छन्।
इच्छुक र योग्य नेपाली नागरिकहरूले २०८२ बैशाख ४ गतेसम्म र दोब्बर दस्तुर तिरेर बैशाख ११ गतेसम्म अनलाइन आवेदन फाराम भर्न सक्नेछन्। दरखास्त शुल्क विभिन्न पदअनुसार फरकफरक निर्धारण गरिएको छ।
प्रतिकृया