अर्थमन्त्री नआएपछि प्रतिनिधि सभाको बैठक स्थगित

अर्थमन्त्री अनुपस्थित भएको कारण प्रतिनिधि सभाको बैठक १५ मिनेटका लागि स्थगित भएको छ। आगामी आर्थिक वर्षको विनियोजन विधेयकको सिद्धान्त र प्राथमिकतामाथि छलफल गर्न कार्यसूची तय भए पनि अर्थमन्त्री नआएपछि छलफल सुरु हुन सकेन।

बैठकको सुरुआतमा सांसदहरूले आकस्मिक र शून्य समयमा आफ्ना कुरा राखिसकेका थिए। तर सभामुखले विनियोजन विधेयकको छलफल शुरू गर्न लाग्दा प्रमुख प्रतिपक्षी दलका नेता हितराज पाण्डेले विरोध जनाएका थिए।