माया खोला हाइड्रोपावर कम्पनीले १ करोड कित्ता हकप्रद सेयर निष्काशन गर्ने भएको छ। कम्पनीको हाल कायम चुक्ता पुँजी १ अर्ब रुपैयाँको १ः१ अनुपातमा अर्थात् १०० प्रतिशत हकप्रद सेयर जारी गर्न विद्युत् नियमन आयोगबाट पूर्वस्वीकृति प्राप्त भएको हो।
कम्पनीको नवौँ साधारणसभाले १ः१ अनुपातमा हकप्रद सेयर जारी गर्ने निर्णय गरेको थियो। सोहीअनुसार आयोगसमक्ष पेश गरिएको प्रस्तावमा १ अर्ब रुपैयाँ बराबरको १ करोड कित्ता हकप्रद सेयर निष्काशन गर्न आयोगले स्वीकृति दिएको हो।
संखुवासभामा १४.९० मेगावाट क्षमताको माया खोला जलविद्युत् आयोजना सञ्चालन गरिरहेको कम्पनीले हकप्रदबाट प्राप्त रकम कन्सोर्टियम बैंकको ऋण भुक्तानीमा प्रयोग गर्ने जनाएको छ। आयोगका अनुसार कम्पनीको विभिन्न बैंकमा रहेको कुल बक्यौता ऋण २ अर्ब ४२ करोड १५ लाख १ हजार ५१७ रुपैयाँ ९ पैसा रहेको छ।
आयोगले हकप्रदबाट प्राप्त रकम ऋण चुक्तामा प्रयोग गरी १५ दिनभित्र त्यसको पुष्टि हुने कागजातसहित जानकारी गराउन कम्पनीलाई निर्देशन दिएको छ।
![भोटेकोशी बाढीबारे संसद्मा प्रधानमन्त्री बालेनको सम्बोधन, के–के भने? [पूर्णपाठसहित]](https://bajarkochirfar.com/wp-content/uploads/2026/09/Stay-Updated-With-1-768x403.png)
![भोटेकोशी बाढीबारे संसद्मा प्रधानमन्त्री बालेनको सम्बोधन, के–के भने? [पूर्णपाठसहित]](https://bajarkochirfar.com/wp-content/uploads/2026/09/Stay-Updated-With-1-150x150.png)
प्रतिकृया