भुइँमा खसेका चाउचाउ ‘भुजिया’ भनेर बेचेको भेटिएपछि भारतमा वाईवाईको भुजिया उत्पादनमा रोक

Ads

भारतको खाद्य सुरक्षा नियामक FSSAI ले राजस्थानको अजमेरस्थित CG Foods India Pvt. Ltd. लाई ‘Veg Bhujia Namkeen’ उत्पादन रोक्न निर्देशन दिएको छ।

निरीक्षणका क्रममा भुइँमा खसेका र टुटेका चाउचाउ संकलन गरी पुनः प्रयोग गरेर भुजिया बनाइएको भेटिएको FSSAI ले जनाएको छ। ती चाउचाउलाई आवश्यक ताप उपचारसमेत नगरी भुजियामा प्रयोग गरिएको पाइएको थियो।

Ads

FSSAI ले कम्पनीको उत्पादन केन्द्रबाट ३२,१०७ किलोभन्दा बढी स्टक जफत गरेको छ। जफत गरिएको स्टकमा भुइँमा खसेका टुटेका चाउचाउसमेत रहेका छन्।

त्यस्तै, १,९२५ बाकस म्याद गुज्रिएका तयार उत्पादन पनि नियन्त्रणमा लिइएको छ। निरीक्षणका क्रममा सरसफाइ, कीरा नियन्त्रण र आवश्यक कागजात व्यवस्थापनमा समेत कमजोरी भेटिएको नियामकले जनाएको छ।

FSSAI का अनुसार कम्पनीले ‘Wai-Wai MaMa’ र ‘Wai-Wai Mama Punte’ नामका भुजिया उत्पादन आवश्यक अनुमति बिना उत्पादन गरेको पनि भेटिएको छ।

नियामकले उत्पादनका नमुना प्रयोगशाला परीक्षणका लागि पठाएको छ भने कम्पनीविरुद्ध कानुनी प्रक्रिया अघि बढाएको जनाएको छ। प्रयोगशाला परीक्षणको नतिजा र निरीक्षणका आधारमा थप कारबाही गरिने FSSAI ले बताएको छ।

792908538 2155633011831100 8549236301621327059 n https://bajarkochirfar.com/india-bans-production-of-wai-wais-bhujiya-after-noodles-found-on-the-floor-being-sold-as-bhujiya | %tags

यो खबर पढेर तपाईलाई कस्तो महसुस भयो ?