विद्युत बिक्री आम्दानी बढ्दा भगवति हाईड्रोको नाफा बढ्यो

भगवति हाईड्रोपावर डेभलपमेन्ट कम्पनी लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, कम्पनीको खुद नाफा ५ प्रतिशतले बढेर ६ करोड ६१ लाख रुपैयाँ पुगेको छ। अघिल्लो वर्षको सोही अवधिमा कम्पनीले ६ करोड ३० लाख रुपैयाँ खुद नाफा कमाएको थियो।

आम्दानीमा वृद्धि हुनुका कारण नाफा बढेको हो। चौथो त्रैमाससम्ममा बिद्युत बिक्रि आम्दानी ९.४४ प्रतिशतले बढेर १५ करोड ६६ लाख रुपयाँ पुगेको छ भने, कम्पनीको कुल आम्दानी ६.०७ प्रतिशतले बढेर १५ करोड ९९ लाख रुपैयाँ पुगेको छ। यस अवधिमा कम्पनीको कुल सञ्चालन खर्च १.६६ प्रतिशतले घटेर ४ करोड ७० लाख रुपैयाँमा आएको छ भने गैरसञ्चालन खर्च १४.८८ प्रतिशतले बढेर ३ करोड ६७ लाख रुपैयाँ रहेको छ।

भगवति हाईड्रोपावरको चुक्ता पूँजी ५९ करोड ४९ लाख रुपैयाँ रहेको छ भने रिजर्भको आकार १२ करोड १२ लाख रुपैयाँ पुगेको छ।हाईड्रोपावरको कुल चालु सम्पत्ति २१ करोड ६८ लाख रुपैयाँ, र कुल चालु दायित्व ९३ लाख ७३ हजार रुपैयाँ रहेको छ। समीक्षा अवधिमा कम्पनीको प्रतिसेयर आम्दानी ११ रुपैयाँ १३ पैसा र प्रतिसेयर नेटवर्थ १२० रुपैयाँ ३८ पैसा कायम भएको छ।

अन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।