प्रधानसेनापतिले बैठकमा दुर्गा प्रसाई र रास्वपालाई समावेश गर्न खोजेपछि, जेनजी टोली बाहिरियो

प्रधानसेनापति अशोकराज सिग्देलले जेनजी प्रतिनिधिहरूसँग भएको भेटमा व्यवसायी दुर्गा प्रसाई र राष्ट्रिय स्वतन्त्र पार्टी (रास्वपा) समूहलाई समेत वार्तामा सहभागी गराउनुपर्ने विचार राखेका छन्।

वार्ताको लागि सेना मुख्यालय पुगेकी जेनजी प्रतिनिधि रक्षा बमले फेसबुकमा सेनापतिलाई उद्धृत गर्दै लेखेकी छन्, “दुर्गा प्रसाई र रास्वपा पनि आन्दोलनका स्टेकहोल्डर हुन्, उहाँहरूसँग पनि छलफल गर्नु उपयुक्त हुन्छ।”

Ads

तर जेनजी टोलीले सो प्रस्ताव अस्वीकार गरेको छ। प्रतिनिधि रक्षा बमले फेसबुकमा,

“राष्ट्रपतिसँग भेट्न बोलाएर दुर्गा प्रसाई र रास्वपा समूहसँग वार्तामा बस्नुस्, उहाँहरू पनि स्टेकहोल्डर हो भनेर स्वयम् प्रधान सेनापतिले भनेसकेपछि, जेन जी आन्दोलनका क्रममा भएको बलिदान र युगान्तकारी परिवर्तनको यात्रा तुहिने भएकाले हामी त्यस प्रस्तावलाई अस्वीकार गर्दै नेपाली सेनाको मुख्यालयबाट बाहिरिएर प्रदर्शनकारी जेन जी समूहसँग छलफलका निम्ति तयारी गरिरहेका छौं।” लेखेकी छन्

यो खबर पढेर तपाईलाई कस्तो महसुस भयो ?