सिईडिबि हाइड्रोपावर डेभलपमेन्ट कम्पनीका लगानीकर्ताले कर बापतको रकम तिर्नु नपर्ने बताएको छ । कम्पनीले आज एक सूचना जारी गर्दै बोनस सेयर बापतको कर रकम कम्पनी स्वंयमले तिर्ने जानकारी दिएको हो ।
कम्पनीले आइतवार साधारण सभाको सूचना प्रकाशित गर्दै ११ प्रतिशत बोनस सेयर दिने घोषणा गरेको थियो । बोनस शेयर बापत् तिर्नुपर्ने कर बापतको नगद लाभांश घोषणा नभएपछि आलोचना उत्पन्न भएको थियो । कम्पनीले प्रेस विज्ञप्ति मार्फत स्पष्ट पार्दै आयकर ऐन २०५८ को दफा ५४ (३) बमोजिम कर कट्टी पछि प्राप्त लाभांश आम्दानीबाट लाभांश वितरण गर्दा पुनः कर तिर्नु नपर्ने प्रावधान रहेको छ ।
सोही प्रावधान अनुरूप अघिल्लो साधारण सभामा बोनस सेयर बापत करको लागि छुट्याइएको रकम असोज २१ गतेको साधारण सभामा स्वीकृत हुने बोनस सेयरको लागि पनि पर्याप्त रहेको कम्पनीले बताएको छ ।कम्पनीले ११ प्रतिशत बोनस सेयर जारी गरेपश्चात कायम रहेको चुक्ता पुँजीको ५४ दशमलव ५ प्रतिशत हकप्रद सेयर निष्कासन गर्ने प्रस्ताव समेत साधारण सभामा पेश गरेको छ ।
प्रतिकृया