सानिमा माई हाईड्रोद्वारा पुरानो नगद लाभांश रकम बुझिलिन सेयरधनीहरुलाई आग्रह

सानिमा माई हाइड्रोपावर लिमिटेडले पुरानो नगद लाभांश रकम बुझिलिन सेयरधनीहरुलाई आग्रह गरेको छ । कम्पनीको विभिन्न साधारण सभाहरूबाट पारित लाभांश लिन बाँकी सेयरधनीहरूलाई बुझिलिन कम्पनीले आग्रह गरेको हो ।

सम्बन्धित सेयरधनीहरूले काठमाडौंको नक्सालस्थित कम्पनीको सेयर रजिष्ट्रार सानिमा क्यापिटल लिमिटेडमा सम्पर्क गरी लाभांश बुझिलिन सक्नेछन् । हालसम्म पनि आफ्नो सेयर अभौतिकीकरण नगराएका सेयरधनीहरूले यथाशीघ्र गराई आफ्नो लाभांश प्राप्त गर्न समेत कम्पनीले एक सूचनामार्फत जानकारी दिएको छ ।