विद्युत् बिक्री बढेसंगै मनकामना इन्जिनियरिङले कमायो ४४.३४ लाख नाफा

२०८१ मंसिर ३ गते

विद्युत् बिक्री बढेसंगै मनकामना इन्जिनियरिङले कमायो ४४.३४ लाख नाफा

मनकामना इन्जिनियरिङ हाइड्रोपावरले चालु आर्थिक वर्षको पहिलो त्रैमासमा ४४ लाख ३४ हजार रुपैयाँ नाफा कमाएको छ। गत वर्षको सोही अवधिमा कम्पनी ४७.७५ लाख रुपैयाँ नोक्सानमा थियो। विद्युत् बिक्रीबाट भएको आम्दानी ३ करोड ५४ लाख रुपैयाँबाट बढेर ४ करोड ५७ लाख रुपैयाँ पुग्दा कम्पनी नाफामा रहेको हो ।

हालसम्म कम्पनीको कुल नाफा ३ करोड ७२ लाख रुपैयाँ पुगेको छ। असोज मसान्तसम्म वित्तीय खर्च १.९९ करोड ऋणात्मक रहेको छ भने सञ्चालन तथा प्रशासनिक खर्च ९.६७ लाख घाटामा रहेको छ।कम्पनीको चुक्ता पुँजी ८० करोड पुगेको छ तर रिटेन अर्निङ भने २५ करोड १२ लाख रुपैयाँ ऋणात्मक छ। साथै, प्रतिसेयर आम्दानी ३९ पैसा र प्रतिसेयर नेटवर्थ ६८.५९ रुपैयाँ रहेको छ।