नेशनल लाइफ इन्स्योरेन्स कम्पनी लिमिटेडले मासिक स्किम अन्तर्गत लक्ष्य पूरा गर्ने अभिकर्ताहरुलाई “मिट द सिइओ” कार्यक्रम आयोजना गरेको छ। यस विशेष कार्यक्रममा, योग्य अभिकर्ताहरूलाई प्रमुख कार्यकारी अधिकृतसँग साक्षात्कार र डिनरको अवसर प्रदान गरिएको थियो।
मधेश प्रदेशबाट छनोट भएका करिब ३० जना अभिकर्ताहरु, विभागीय प्रमुख, प्रदेश प्रमुख, र शाखा प्रमुखहरूको उपस्थितिमा, प्रमुख कार्यकारी अधिकृतले अभिकर्ताहरूको परिश्रमको कदर गर्दै मायाको चिनो प्रदान गरे। साथै, अर्ली क्वालिफायर विजेता र सर्टिफिकेट अफ एक्सिलेन्स प्राप्त गर्ने अभिकर्ताहरुलाई विशेष सम्मान प्रदान गरियो।
कार्यक्रममा प्रमुख कार्यकारी अधिकृतले मधेश प्रदेशमा पहिलोपटक आयोजित यस सम्मान समारोहको बारेमा जानकारी दिँदै, “मिट द सिइओ” स्किम अत्यन्त सफल भएको बताए। यस स्किममा नेपालभरबाट ३०० भन्दा बढी अभिकर्ताहरू छनोट भएका थिए, जसमध्ये ३० जना मात्र मधेश प्रदेशबाट थिए।
सहभागी अभिकर्ताहरूले बीमा व्यवसायमा भोगिरहेका समस्याहरू, गुनासाहरू, र कम्पनीले सुधार गर्नुपर्ने पक्षहरूको बारेमा सिइओ समक्ष छलफल गर्ने अवसर पाएकोमा खुशी व्यक्त गरे।
कार्यक्रमले अभिकर्ता र सिइओ बीच प्रत्यक्ष अन्तरक्रिया गर्ने अवसर प्रदान गरेकोले दुवै पक्षलाई फाइदा पुर्याउने बताइएको छ। सहभागीहरूले भविष्यमा पनि यस्ता अन्तरक्रियात्मक कार्यक्रमहरूको आयोजना गर्न सुझाव दिएका थिए।
प्रतिकृया