थ्रीस्टार हाइड्रोपावरले बोलायो वार्षिक साधारण सभा

थ्रीस्टार हाइड्रोपावर कम्पनीले वैशाख २३ गतेका लागि वार्षिक साधारण सभा आह्वान गरेको छ । सभा जर्मन होम्स गठ्ठाघर भक्तपुरमा वैशाख २३ गते बिहान ११ बजेदेखि सुरु हुनेछ । सभामा कम्पनीले लाभांश प्रस्ताव गरेको छैन भने हकप्रद सेयर निष्कासन प्रस्ताव पेश गर्नेछ ।

सभा प्रयोजनका लागि वैशाख ७ गते बुक क्लोज गर्ने भएको छ । वैशाख ६ गतेसम्म कायम सेयरधनीले सभामा भाग लिन पाउने छन् । सभामा गत आर्थिक वर्षको वार्षिक प्रतिवेदनमाथि छलफल गरी पारित गरिनुका साथै, उपयुक्त नयाँ आयोजनाहरुको पहिचान गरी लगानी गर्ने वा निर्माणाधीन आयोजनामा थप लगानी गर्ने, सञ्चालक समितिमा सर्वसाधारण सेयरधनी ( समूह “ख” ) को प्रतिनिधित्वको निम्ति २ जना सञ्चालकको निर्वाचन गर्ने लगाएतका प्रस्ताबहरु रहेका छन् |