फोहोर गरेको भन्दै एमालेलाई काठमाडौँ महानगरले लगायो एक लाख रुपैयाँ जरिवाना

काठमाडौँ महानगरपालिकाले दरबारमार्गमा जथाभावी फोहोर गरेको आरोपमा नेकपा एमालेलाई एक लाख रुपैयाँ जरिवाना गरेको छ।

महानगरले नेकपा एमाले पार्टी कार्यालयलाई पठाएको पत्रमा मंसिर ७ गते काठमाडौं महानगरपालिका वडा नम्बर १, दरबारमार्गमा आयोजित जागरण सभाका क्रममा सडक र सडकपेटीमा फोहोर गरी वातावरण प्रदूषण गरेको उल्लेख गरिएको छ। यो कार्य फोहोरमैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०८१ अनुसार जरिवानायोग्य ठहरिएको छ।

Ads

Ads

Ads

शुक्रबार काठमाडौँ , ललितपुर, र भक्तपुर जिल्ला कमिटीको संयुक्त आयोजनामा जागरण सभा गरिएको थियो। सभापछि फैलिएको फोहोरप्रति ध्यानाकर्षण गर्दै महानगरले पार्टीलाई कानूनी कार्यवाही गरेको हो।