ग्रीन भेन्चर्सको ‘लक इन’ अवधि आजदेखि सकियो, अब कति कित्ता सेयर कारोबारमा आउने?

ग्रीन भेन्चर्स लिमिटेडको ‘लक इन’ अवधि आज (चैत २० गते) समाप्त भएको छ । कम्पनीको संस्थापक सेयर, स्थानीय बासिन्दा र कर्मचारीलाई बाँडफाँट भएको सेयरको लक इन आजदेखि समाप्त भएको हो ।

कम्पनीको लक इनमा रहेका २ करोड ५० लाख कित्ता संस्थापक सेयर, आयोजना क्षेत्रका स्थानिय बासिन्दालाई बाँडफाँड गरिएको ३१ लाख २३ हजार २ सय कित्ता, ९३ हजार ७५० कित्ता कर्मचारीको सेयर अब कारोबारका लागि योग्य भएको हो ।

Ads

Ads

Ads

कम्पनीले सर्वसाधारणलाई २०७८ चैत २० गते सेयर बाँडफाँट गरेको थियो । उक्त मितिबाट ३ वर्षसम्म संस्थापक सेयरधनी, स्थानीय बासिन्दा र कर्मचारीहरुको सेयर लक इनमा राख्नुपर्ने व्यवस्था रहेको छ ।  अब लक इन अवधि सकिएपछि संस्थापक सेयरधनी, स्थानीय बासिन्दा र कर्मचारीले होल्ड गरेको सेयर कारोबारका लागि योग्य भएको छ । तर, कम्पनीका सञ्चालक समिति सदस्यहरू र उच्च व्यवस्थापनका कर्मचारीहरूका सेयरहरू भने अझै ‘लक-इन’ अवधिमा रहनेछन्।

Ads