सरकारले लगाएको फेसबुक प्रतिबन्धको आदेश टेरेनन् एमाले नेता महेश बस्नेतले

सरकारले सूचीकरणमा नआएका सामाजिक सञ्जालमाथि प्रतिबन्ध लगाएको भोलिपल्टै एमाले नेता महेश बस्नेतले फेसबुकमार्फत भिडियो सार्वजनिक गरेका छन्।

सूचना तथा सञ्चार मन्त्रालयले बिहीबार तोकिएको समयसीमा भित्र दर्ता हुन नसकेका सामाजिक सञ्जालमाथि रोक लगाउन नेपाल दूरसञ्चार प्राधिकरणलाई निर्देशन दिँदै फेसबुकलगायतमा प्रतिवन्ध लगाएको थियो। तर शुक्रबार बस्नेतले आफ्नै आधिकारिक फेसबुकमार्फत भिडियो पोस्ट गरेका हुन्।

Ads

सरकारको निर्णयअनुसार फेसबुकलगायतका विश्वव्यापी सामाजिक सञ्जाल बन्द गर्ने भनिए पनि एमाले नेताको सार्वजनिक गतिविधि सोही प्लेटफर्ममार्फत निरन्तर भइरहेको देखिन्छ।

सूचना मन्त्रालयका अनुसार हालसम्म नेपालमा आधा दर्जनजति सामाजिक सञ्जालमात्र दर्ता प्रक्रियामा आएका छन्। बाँकी २६ सामाजिक सञ्जाल भने कानूनी प्रक्रिया पूरा नगरेको भन्दै प्रतिबन्धको सूचीमा परेका छन्।

यो खबर पढेर तपाईलाई कस्तो महसुस भयो ?